შეფასების რუბრიკები

შეფასების ზოგადი რუბრიკა ტექსტური ამოცანისათვის (წერითი დავალება)

·         ამოცანის მონაცემების ორგანიზება;

·         ადეკვატური აღნიშვნების შემოტანა;

·         ამოხსნის გზის მოძებნა;

·         ამოხსნის გზის რეალიზება და პასუხის მიღება.

კონკრეტული რუბრიკის ნიმუში

ტექსტური ამოცანა, რომლის ამოხსნა მოითხოვს განტოლების შედგენას და ამოხსნას

საფეხურები	ქულა
ამოცანის მონაცემების ორგანიზება
ამოხსნისათვის საჭირო მონაცემების ამოკრეფა ამოცანის ტექსტიდან	0 - 1
მონაცემების ორგანიზება და ისეთი ხერხით ჩაწერა, რომელიც აადვილებს ამოხსნის გზის მოძებნას	0 - 1
ადეკვატური აღნიშვნების შემოტანა
საძიებელი სიდიდეების გამოყოფა	0 - 1
საძიებელი სიდიდეებისათვის ასოითი აღნიშვნების შემოღება	0 - 1
მათემატიკური ობიექტებისა და პროცედურებისათვის სწორი აღნიშვნების გამოყენება (მაგალითად: ფუნქციის, ალგებრული მოქმედების)	0 - 1
ამოხსნის გზის მოძებნა
განტოლების შედგენის წინმსწრები მსჯელობა	0 - 1
განტოლების შედგენა	0 – 1
ამოხსნის გზის რეალიზება და პასუხის მიღება
განტოლების ამოხსნის ხერხის მოძებნა	0 - 1
განტოლების ამოხსნა და პასუხის მიღება	0 – 1 - 2

ამოცანის ამოხსნის შეფასების სქემა (რომელიც განტოლების შედგენით იხსნება)

საფეხურები	ქულა
ამოცანისათვის საჭირო მონაცემების ამოკრება ტექსტიდან , ცნობილი და საძიებელი სიდიდეების დალაგება, ჩანაწერის გაკეთება	0–2
თითოეულ სიდიდესთან შესაბამისი აღნიშვნის შემოღება  უცნობის გამოყენებით	0–2
განტოლების შედგენა	0–2
განტოლების ამოხსნის გზის მოძიება და ამოხსნა	0–2
ამოცანის კითხვიდან გამომდინარე ყველა სიდიდის მოძებნა (გამოთვლა)  და პასუხის ჩაწერა	0–2

რიცხვითი  გამოსახულებების გამოთვლის შეფასების სქემა

(მოსწავლის თვითშეფასება)

კრიტერიუმი	ყოველთვის	ხშირად	იშვიათად	ვერასოდეს
დიდი გამოსახულების გამოანგარიშების დაწყებამდე  შემიძლია დავადგინო  მოქმედებათა შესრულების თანმიმდევრობა
მოქმედებათა შესრულების პროცესში არ მერევა და არ მავიწყდება წინასწარ დაცული რიგი
მასწავლებლის ან სხვისი შეხსენების გარეშე ვიცი, როგორ შევასრულო კონკრეტული მოქმედება ( ნატურალური რიცხვების, წილადების, ათწილადების გამოყენებით)
ბოლომდე უშეცდომოდ ვასრულებ დაწყებულ მოქმედებას, წილადი პასუხის შემთხვევაში  გამოვყოფ მთელს და ვახდენ წილადი ნაწილის შეკვეცას
თუ კი მასწავლებელი მეუბნება, რომ მე დავუშვი შეცდომა, თვითონვე ვპოულობ მას და ვასწორებ სხვისი ჩარევის გარეშე.

ყოველთვის –2 ქულა,

ხშირად– 1,5 ქულა,

იშვიათად–1 ქულა,

ვერასოდეს–0 ქულა